勁藥

因為要浸當歸，所以今日先有藥食。

第一啖飲落去……嘩，辣嘅。好辣呀。

但無辦法，再難飲，都要飲晒佢。

就係咁飲晒第一碗藥，飲完勁"WING"……我諗我啪咗藥。

由愚人開始

決定咗去睇醫生，所以唔洗一早起身，可以瞓多一陣。正。

一路好緊張咁走去見醫師，醫師又笑笑口，話"好呀，好呀……"然係俾咗張紙我，叫我睇吓有無咩唔明，唔明就要即刻問。

其實我真係唔係好明佢寫乜，真係要好留心逐隻字睇。哦……終於都明啦。

睇完醫師我趕住走，所以無拎到藥就走咗啦。老公應承會幫我。