差d嚇"屎"我呀

今日喺公司手提突然勁震，兼顯示一個陌生電話。原本打算唔聽，由於我係有禮貌嘅人，所以…都係聽咗。自己嚇自己，原來係我好姊妹欣姐。但佢把聲奇奇怪怪的，問我同鵬爺睇中果間酒席係咪"君豪會"，我話"係呀，做咩呀?"佢再問我落咗訂未，我再答"未呀，有事?!"佢話佢上網幫朋友搵嘢嘅時候，睇到d forum話君豪會個場好似有問題。佢話send條link比我睇吓。
當時，我當然大為緊張啦，唔知頭唔知路，公司又check唔到email。要返到屋企先知發生咩事。返到嚟第一時間check email，原來君豪會個星級宴會廳因為消防條例不符，所以要重新再裝修過。訂咗嘅酒席全部都要退款。

我即刻大為驚慌，為咗知道係咪我想book個場有事，我由頭到尾睇咗一次所有有關君豪會嘅留言。好彩佢哋講嘅唔係我想book果個，佢講果個喺G/F，我想book果個喺13/F。
所以，我個場……無事啦。

"無事啦，欣姐。唔該晒你。好在有你，唔係我仲烏sir sir呀。thx" ^_^