第一次試婚紗

今日去咗試第一次婚紗，試咗兩間。

第一間係"溫馨"，係一間比較舊式d嘅婚紗舖。
好多婚紗，務求大包圍，多嚟多做，薄利多銷。
而d婚紗呢，係好多嘅，但我試果三件我都唔係好鍾意，因為無咩特別。
其他晚裝都係。而且佢仲一d都唔平。

第二間係"華麗邂逅"，係一間model d嘅婚舖。
我試咗四件，第一件係A-link心型心口，著我好瘦，而且尾尾果通花好靚。
第二件就係大拖尾，係果度嘅招牌貨。就咁睇都幾靚，但著落我又覺得同我唔襯。
第三件，唔記得咗添。
第四件係鑲晒水晶，勁閃勁閃架。

我就覺得呢間唔錯，不過都仲可以睇多兩間先決定嘅。
^_^