本來聽日影婚紗相，但個天呢兩日都無咩陽光，灰朦朦咁，都諗緊要唔要改期，跟住差唔多四點到，掛咗一號波，最後都係唯有取消，改咗六月先再影，五月廿八再做fitting。
雖然我都知shermen會唔開心，不過其實都可能係一件好事，因為我覺得Shermen同我自己心情上都未ready。而且仲可以多啲時間去練笑、練pose、買介子、再試衫、剪頭髮等等...... 打風都未嘗唔係一件好事呀。 : )
夜晚去咗shermen屋企講數，最後係選咗最平果張帖(但都要$3-$4蚊)，但個樣就真係同價錢成正比。仲有係20張$102 奇華餅卡，遲啲母親節去買。(有節ar~)
同埋我發現咗一樣野，以前ke小霸王改變咗好多，變得比以前靚咗、可愛咗、也更值得我愛咗。 : >
1 則留言:
小霸王不嬲都係心地善良﹑活潑可愛﹑冰雪聰明﹑美艷動人。只係一般嘅凡夫俗子無用心去睇，唔識得欣賞啫。
鵬爺，你睇到小霸王可取嘅一面，識得讚賞同愛惜小霸王。証明你已經開竅，踏入超凡脫俗嘅境界啦。
發佈留言