最難嘅事情……為著自己嘅幸福，都要做。

終於都FINALIZE咗本相簿啦，我同鵬爺尋日捉住咗個DESIGNER幫我哋執過D DESIGN，執到我哋都滿意為止，都搞咗成兩個鐘有多。好攰，但總算了咗一件心事。

而我近排就開始煩緊第二件事。喺鵬爺嘅威迫下，我終於都要去搵姊妹啦。一路都唔肯去做呢件事，係因為我嬲咗一個好老死嘅FRIEND。好唔想喺咁嘅情況下去求人做我姊妹。所以我去咗搵一個我哋都相熟嘅朋友先，我向佢和盤托出咗件事，佢話我講嘅嘢，佢雖然在場，但佢完全無印象，仲話我係白痴仔。我無嬲佢咁話我，因為我自己都有同感，但我又真係偏偏下唔到呢啖氣。

所以，我嘅姊妹就係差佢哋未搵。因為我一路都未諗到要點開口。哎……女人，你真係自找麻煩。