婚後一個星期

咁快就過咗一個星期啦，好幸福嘅一個星期。仲好似發緊夢咁。

鵬爺仍然係鵬爺，而家已經係我老公，比以前更錫我，更照顧我嘅老公。
屋企人仍然都係我屋企人，而家比以前多咗最少四個好親嘅家人，外冷內熱嘅老爺，賢妻良母型嘅奶奶，獨立同善解人意嘅姑仔小琼。

每日起身都有老公喺身邊，除咗返工，老公無時無刻都陪住我，去街拖到實，坐車"挨"到實，瞓覺摟到實，有一個人咁錫自己，咁保護自己，感覺好好，真係覺得自己好幸福，幸福到一個自己都唔相信嘅地步，好怕有一日夢醒。

如果呢個真係一個夢，就讓我們一輩子，甜甜的一同沉睡下去。

+++++++++++++++++++++++++++++++++++++++++++++++

老公今日陪我去科大影畢業相，今日好凍呀，朝早得九度，係2009年最凍嘅一日。明知科大會好大風，好凍，老公都仍然陪我去影相，仲要做我嘅攝影師添。
然後，就同我去咗九龍灣行街，仲買咗個鋼琴，星期六就會送嚟啦。

從細到大嘅願望，都慢慢地成真。都係因為有一個對我好好嘅老公。 ^_^