心理病

之前睇過一D文章，一D電視節目，都話香港人其實大多數都有心理病，我有時都會覺得自己有情緒嘅問題。一係無厘啦謂都笑餐死，一係無端端都會坐係度喊成粒鐘。我都唔係好清楚呢D咁飄忽嘅情緒，係因為我天生雙重性格，定係工作嘅壓力，定一或係我自己好勝嘅性格，令到自己唔可以放鬆。

最近，我老公同我講得最多嘅一句係，"睇開D啦。"乜我真係好睇唔好咩?!

應該都算係。就好似今日咁，喺屋企WORK FROM HOME, 無人喺我身邊，我又開始亂諗嘢，坐咗喺度喊成粒鐘。歸根究底都係自己嘅EQ太低，當自己好想得到，做到一D嘢嘅時候，同時發理自己根本無辦法去得到﹑做到嘅時候，個心就會不奇然有一種焦急。呢種制止唔到嘅焦急好快就會變成一種恐懼感，令我覺得無助。為咗要宣洩呢種不安嘅情緒，唯一可以做嘅就係喊。

不過，喊有時候只係將我嘅不安轉駕咗比我老公，好彩老公EQ比我高，佢知道好多事唔可以強求，強求唔到嘅就應該要睇開D，放鬆自己去面對。

我曾經有諗過要去睇心理醫生，但又覺得好似太誇張，最後都係無去到。算啦，人就係咁架啦，最叻就係幫自己搵藉口嘛(係"求婚大作戰"嘅天使講架。)。