知道有咗肥芝差唔多三個禮拜，呢三個禮拜嘅心情飄忽得連我自己都驚，今日好開心，第日又會喊到豬頭咁。一時自信肥芝會健康成長，一時又怕肥芝會突然消失。覺得自己就好似神經失常。好怕自己一個人喺屋企，無人陪嘅時候，自己都唔知想做D乜，不其然又開始諗東諗西。
"今日個肚無痛喎/今日無作嘔喎，肥芝係咪仲喺度架?"……O_o
"又想嘔，但又嘔唔出，好辛苦呀。"…… -_-"
手按住自己個肚，"我摸到你(肥芝)嘅心跳呀"……^_^
呢D日子唔知幾時先過，成日都會驚而家好似已經有好多人知啦喎，肥芝會唔會真係小器呢?唔可以再比人知(但好似已經全世界嘅人都知啦)。
心情幾時先會穩定D呢?肥芝嘅存在依然好唔實在，幾時先真正感覺到佢嘅存在呀?
沒有留言:
發佈留言