影咗輯相啦

之前聽講座，抽到一張coupon去影孕婦OR家庭相，本來都想等肥芝出咗世，帶埋佢一齊去影。可惜，個有效日期到三月頭，怕到時未坐完月，咁就晒咗張coupon啦。所以，我哋決定去影返輯大肚相。如果靚嘅，等肥芝出咗世再帶佢去影都未遲。^_^

原先安排得好好，諗住結婚紀念日去影架。因為平日唔洗加$300嘛。但之前又book唔到。最後，book咗尋日去影。

帶咗5套衫去換，影咗個幾鐘，影到我好攰呀。最終都係轉plan加$要咗20張相。過兩個禮拜有得囉啦。我諗都要過咗農曆年先有相睇。