覆診2

去完澳洲之後，去咗韓醫生度覆診。上次醫生比咗D通經葯我，叫我一嚟就要約時間覆診。可惜，我嘅情況真係好難搞，m都唔m吓。

所以，我自動自覺去約醫生，再睇吓點情況。醫生今日同我再照多次超聲波，話我兩邊都仲係好多泡，一定要清晒佢先得。佢比咗一排避孕藥我，話避孕藥可以抑壓住D泡泡同等D泡泡自己收返。如果食避孕藥唔得嘅話，就要打停經針，都仲係清唔到嘅話，就要做手術或者食糖尿藥。目的都係為咗清晒D泡泡。清完D泡泡就可以食排卵丸啦。

雖然我好唔想食避孕藥，但如果真係可以清到D泡泡，可以快D達成我哋兩公婆嘅心願。呢步一定要行架。希望一排避孕藥就可以啦。