肥芝11周啦

今日肥芝己經11周啦。

啱啱個星期六又去咗醫生度做檢查，照超聲波。喺照超聲波嘅時候，見到肥芝嚟咗個"肥芝彈"，嚇到我都成個彈起呀。 ^_^

醫生話肥芝都幾穩定，有37.4MM大啦，見到頭﹑手﹑腳同埋眼仔同鼻哥。而個胎盤都生緊出嚟，而家算係穩定D架啦。

肥芝穩定咗，我都係時候要返工啦。放咗差唔多兩個月SICK LEAVE，個人都有D悶悶哋。仲有，要亞媽日日喺柴灣過嚟照顧我，我都唔係咁好意思。仲有呀，準婆婆成日都買嘢比肥芝，我屋企就嚟無位擺啦。

不過，我仲未同老闆講我想提早一星期返工。始終要求返工都唔係我嘅STYLE。