今日係肥芝婆婆生日，有咩慶祝活動比睇肥芝嘅裸照更氹得婆婆開心呀。所以我就BOOK咗今日去私家度檢查。
可惜，一出街就落大雨，上到地鐵又多人又無位坐，焗得幾緊西，焗我勁唔舒服，又想嘔。好彩唔洗一陣就到咗旺角啫。去到首先搵位同婆婆&EE飲茶，同等埋老公。
去到診所，等咗一陣，到我哋啦。婆婆梗係要入去睇吓粒孫啦，仲有做爸爸嘅，都唔執輸。
今日，肥芝已經有8CM大啦。比預產期大咗一個禮拜。喺電視度，見到肥芝郁手郁腳，睇得我哋幾開心。婆婆最想知都係肥芝係仔定女。但醫生話，而家先3個半月，未知喎。遲D啦。 ^_^
沒有留言:
發佈留言