馱住亞B嘅時候，由不同渠道吸收餵哺母乳嘅好處，所以晞晞未出世已經同老公商量好，盡可能給囝囝最好的，天賜的禮物。
可惜，一直憧憬餵哺母乳的情景，當自己親自落手落腳餵嘅時候就知道有相當嘅難度。初頭，乳量不足。二來囝囝自出娘胎就超級大食，(其實，喺肚度已經起級大食。)總係餵極唔飽。第三，囝囝初出世，第一次吸吮時，已經整到我好痛，所以一路都有陰影覺得餵人奶好辛苦。
返到屋企，因為方法同時間配合同控制得唔好，因此一度諗過放棄。但始終心有不甘，未曾努力就放棄。所以，決定做泵媽，泵得幾多食幾多。而且，呢兩日晞晞嘅食奶時間都比較穩定，可以喺晞晞食奶前30-40分鐘泵定出嚟比佢。
由今日開始，我又會再次努力，向泵媽呢個目標出發。
努力﹗
沒有留言:
發佈留言