仔仔唔舒服呀

仔仔今日已經5週3日大，但兩日前開始有少少咳同鼻塞塞，仲有少少肚痾。尋日睇咗醫生，醫生話佢喉嚨有少少發炎，應該係有細菌，而且佢仲吞咗D菌落肚，所以有D肚痾，因為要痾返D菌出嚟。 尋日同今日仔仔食咗D藥，情況好咗D，只係仲不停有咳，特別係瞓覺就咳得最嚴重。除此之外，我成日抱仔仔嘅時候，都撞到仔仔隻眼，搞到仔仔隻右眼成日流眼水，今日仲成日有眼膠，如果再係咁，聽日就要同仔仔去睇吓隻眼。 本來好想仔仔健健康康﹑快快樂樂，但我嘅唔小心，成日都令到仔仔受到傷受。我都唔知點做人亞媽。