又開心又擔心

決定咗返嚟之後，去醫生度CHECK。所以一早起身就打去BOOK 時間。

去到醫生度，個護士同我講："一月嘅時候同你驗完血，約你上嚟配藥，你無嚟到喎。"
"係咩，乜有D咁嘅事咩?"我都唔記得咗LU。
"今次嚟係睇咩架?"
"我好似有咗，想醫生幫我CHECK吓。"

入到診室，醫生知道我有咗，佢就即係幫我用超聲波幫我SCAN個胎，點知乜都無。醫生話不如驗多次小便啦。個TEST都係+VE........

醫生話"你嘅小便驗到你真係有咗，但超聲波又照唔到。如果係咁， 我驚你係宮外孕。不如抽多次血驗啦。如果個指數OVER 3000就肯定係宮外孕。到時個胎就唔可以要架啦。"

聽完佢咁講，我真係坐唔安，食唔落。返到屋企喊完又喊。