休養第二日

今日係喺屋企休養嘅第二日，今日我好小心，便便嘅時候無咁用力，真係無再流啡。唉，連便便都要忍住忍住，無法啦，因為大腸同子宮係同一舊肌肉相連。唯有唔好咁出力啦。

今朝都仲過得幾好唔錯。唔知做乜，過咗個晏晝，食完D叮叮點心。肥芝又搞事。個腺又開始有少少痛。

學亞螢話齋咁早知有好有唔好啦。早D知可以準備得好D，但早D知又驚耐D。有咩唔妥都提心吊膽。

大家都係果句，叫我放鬆D，有咗係咁架啦。不過，我就覺得緊張D好，話晒都係第一個嘛。要乜都留心D，留意多D，有咩事都可以一早知。