仔仔學習之旅 -- 1

肥芝近排好鍾意將對手放入個口度，食到"Jup Jup"聲。一路都以為佢想食手指唔識食，定係佢想出牙呢，但幾日前睇咗本BB雜刋，發現原來係我搞錯。

原來BB係而家呢個時間要分辨嘢，都會用個口。而家BB啱啱發現自己對手嘅存在，所以就會將自己對手放入口度試。

除外鍾意放對手入口，肥芝係繼我之後，屋企裡面最多嘢講嘅人，佢成日都會"呢呢 nur nur"，但又完全唔知佢講乜。佢對住吊住嘅公仔都"nur"一餐，又時又會撩人傾計，如果你唔睬佢，佢就會發脾4。真係好搞笑。

見到肥芝識得越嚟越多嘢，真係好開心呀。