誓不低頭

都唔知係咪遺傳，我自問係一個好硬頸嘅人，因為係遺傳自我亞婆。估唔到連肥芝都咁硬頸。

肥芝佢真係好有性格，邊度有BB唔食奶架。但佢就真係話唔食就唔食，點迫都唔肯食。但我亞婆又死都要迫佢食。咁就弊啦，搞到拆晒天。

其實，個BB唔食一餐半餐咪由佢囉。佢點都唔可以一日唔食嘢，到下一餐早少少比佢食，兩餐變一餐咪得囉。我都唔明做乜成日都要整到個BB喊到拆天，個BB喊就事小，我怕嚇親個小朋友，到時唔肯比婆抱，但婆婆又死要抱，就死啦。