囝囝需要我

尋晚，大學同學Roy約晒D同學出去食飯，順便派帖比我哋。我同老公一齊去咗食飯，留返囝囝同婆婆兩個喺屋企。 原本都諗住食到9點度走先，早D返屋企睇囝囝。點知同D同學傾開D湊B經驗同取吓經，唔經唔覺就傾到10點先走。 返到屋企，婆婆抱住囝囝，見我哋返嚟就同囝囝講，"媽媽返啦!" 原來囝囝成晚都唔肯瞓，喺度搵我"暗"佢瞓覺，仲成日周圍望搵我。 聽到自己被囝囝咁需要，個心好甜，但又有D心痛，因為見囝囝捱眼瞓等我門。