猴棗散驚魂

之前見仔仔有D痰，見到baby kingdom D post話食猴棗散可以去痰，就買咗D比仔仔食。

尋日下晝照指示比仔仔食咗半樽，仔仔一路都無乜嘢，又食得又玩得，只係到咗夜晚十點幾同仔仔換片準備食奶，發現仔仔痾黑屎。

好驚，因為黑屎可能係內出血，嚇到我即刻上網search有無D食完猴棗散痾黑屎嘅post同資料。但一直都唔見就，心諗唔通真係仔仔有事。唔通我錫佢變成害佢。

之後，老公同婆婆話睇埋下一次便便先決定係咪要睇醫生啦。好在今朝五點幾食果餐奶，發現佢又痾咗，今次係青屎，即係無出血啦。咁上次果D黑屎可能係消化唔到嘅猴棗散，又可能係化咗嘅痰同清咗腸入面嘅嘢。